Ministry of Energy and Natural

Էներգետիկայի մասին Հայաստանի Հանրապետության օրենք

Սույն Օրենքը սահմանում է Հայաստանի Հանրապետության էներգետիկայի բնագավառի պետական քաղաքականության հիմունքները եւ իրավական, տնտեսական ու կազմակերպական հիմքերը:

Կարգավորում է Հայաստանի Հանրապետության պետական մարմինների եւ էներգետիկայի բնագավառի տնտեսավարող սուբյեկտների փոխհարաբերությունները, ներառյալ էլեկտրական եւ ջերմային էներգիայի, բնական գազի սակագները, էներգետիկայի բնագավառի լիցենզավորումը եւ էներգամատակարարի ու սպառողների հարաբերությունները:

Էներգախնայողության և վերականգնվող էներգետիկայի մասին Հայաստանի Հանրապետության օրենք

Uույն Օրենքի նպատակը էներգախնայողության իրականացման եւ վերականգնվող էներգետիկայի զարգացման պետական քաղաքականության սկզբունքների եւ դրանց իրագործման մեխանիզմների սահմանումն է, ուղղված`
     - Հայաստանի Հանրապետության տնտեսական եւ էներգետիկ անկախության ամրապնդմանը.
     - Հայաստանի Հանրապետության տնտեսական եւ էներգետիկ անվտանգության, էներգետիկ համակարգի հուսալիության աստիճանի բարձրացմանը.
     - էներգախնայողությունը եւ վերականգնվող էներգետիկայի զարգացումը խթանող նոր արտադրությունների ստեղծմանը եւ ծառայությունների կազմակերպմանը.
     - շրջակա միջավայրի, մարդու առողջության վրա տեխնածին ազդեցության նվազեցմանը:

Էներգետիկայի բնագավառում և էներգասպառման ոլորտում պետական տեխնիկական վերահսկողության մասին Հայաստանի Հանրապետության օրենք

 Սույն Օրենքով`
     ա) Կարգավորվում են Հայաստանի Հանրապետության էներգետիկայի բնագավառում
 էլեկտրական եւ ջերմային էներգիայի արտադրության, էլեկտրական էներգիայի կերպափոխման, էլեկտրական, ջերմային էներգիայի ու բնական գազի հաղորդման (փոխադրման) եւ բաշխման գործունեություն իրականացնող անձանց, տեխնոլոգիական եւ կենցաղային նպատակներով էլեկտրական, ջերմային էներգիա եւ բնական գազ սպառողների (այսուհետ` սպառողներ) էներգատեղակայանքներում տեխնիկական ստուգումների, ինչպես նաեւ սպառման էներգետիկական ցանցերի շահագործման եւ սպասարկման գործունեություն իրականացնող անձանց մոտ ստուգումների կազմակերպման եւ անցկացման հետ կապված հարաբերությունները, ստուգումների միջոցով իրականացվող պետական տեխնիկական վերահսկողության խնդիրներն ու շրջանակները.
     բ) Սահմանվում են էներգետիկայի բնագավառում գործունեություն իրականացնող անձանց ու սպառողների, ինչպես նաեւ էներգետիկայի բնագավառում եւ էներգասպառման ոլորտում պետական տեխնիկական վերահսկողություն իրականացնող լիազոր մարմնի իրավասությունները:

Հայաստանի Հանրապետությունում նոր միջուկային էներգաբլոկ(ներ)ի կառուցման մասին Հայաստանի Հանրապետության օրենք

Հայաստանի Հանրապետությունում կառուցել մինչեւ 1200 ՄՎտ հզորությամբ նոր միջուկային էներգաբլոկ(ներ):

Հայաստանի Հանրապետության ընդերքի մասին օրենսգիրք

Սույն Օրենսգրքով Սահմանվում են Հայաստանի Հանրապետության տարածքում ընդերքից Օգտվելու սկզբունքները, կարգը, ինչպես նաև ընդերքօգտագործման հետ կապված հարաբերությունները: