| 
Հայատոմ
"Ատոմային էլեկտրակայանների շահագործման հայկական գիտահետազոտական ինստիտուտ" -փակ բաժնետիրական ընկերությունը ( "Հայատոմ ՀԻ" փբը) հիմնադրվել է 1973 թվականին որպես "Ատոմային էլեկտրակայանների շահագործման համամիութենական գիտահետազոտական ինստիտուտ"-ի Երեւանյան մասնաճյուղ: Խորհրդային Միության փլուզումից հետո 1993 թվականից այն դարձել է ինքնուրույն կառույց ՀՀ Էներգետիկայի նախարարության կազմում:
Այսօրվա դրությամբ ինստիտուտի գիտահետազոտական աշխատանքները իրականացնում են հետեւյալ գիտական լաբորատորիաներ`
ԱԷԿ-ների միջուկային անվտանգության, ինֆորմացիոն համակարգերի եւ վարժասարքերի մշակման,
ԱԷԿ-ների էներգաբլոկների շահագործման գիտատեխնիկական օժանդակման,
Հաշվիչ տեխնիկայի եւ ԱԷԿ-ների էներգաբլոկների վերանորոգման գիտատեխնիկական օժանդակման,
ԱԷԿ-ների էներգաբլոկների հսկողության եւ ղեկավարման համակարգերի,
Սեյսմիկ պաշտպանության համակարգերի մշակման եւ չափման-հսկման էլեկտրոնային սարքավորումների կարգաբերման:
Ինստիտուտի կազմում հաջողությամբ գործում է "Միջուկային անվտանգության միջազգային կենտրոնը" (ՄԱՄԿ):
Ընկերության գիտահետազոտական աշխատանքներին մեծապես նպաստում են կառուցվածքային մի շարք ստորաբաժանումներ, որոնցից աչքի են ընկնում Կոնստրուկտորական եւ իտատեխնիկական տեղեկատվության բաժինները, ինչպես նաեւ Փորձարարական-մեխանիկական արտադրամասը:
Ներկայումս "ՀայատոմՀԻ" փբը-ի գործունեության հիմնական ուղղություններից են`
ԱԷԿ-ների շահագործման եւ վերանորոգման անձնակազմի պատրաստման եւ վերապատրաստման համակարգերի մշակման եւ ներդրման, ինչպես նաեւ լիամասշտաբ եւ բազմաֆունկցիոնալ վարժասարքերի, ավտոմատ ուսուցման համակարգերի եւ դրանց ուսոցողա-մեթոդական եւ ծրագրային եւ տեխնիկական ապահովումը:
ԱԷԿ-ների անվտանգության ապահովման ախտորոշիչ, տեղեկատվական եւ այլ համակարգի ներդրումը;
ԱԷԿ-ների շահագործման փաստաթղթերի մշակումը:
ԱԷԿ-ների նոր տեխնոլոգիական համակարգերի նախագծային փաստաթղթերի մշակումը եւ համակարգերի ներդրումը;
ԱԷԿ-ների անվտանգության հիմնավորման հետ կապված մշակումները:
ԱԷԿ-ների անվտանգ աշխատանքի ապահովումը սեյսմիկ պայմաններում եւ այլն:
Ինստիտուտի կադրային կազմը համալրված է աշխատանքային մեծ փորձ ունեցող էներգետիկներով, ֆիզիկոսներով,մաթեմատիկոսներով, բարձր տեխնոլոգիաների մասնագետներով` ծրագրավորողներով, էլեկտրոնիկայի եւ ռադիոսարքավորումների ճարտարագետներով, որոնց թվում 1 ֆիզիկա-մաթեմատիկական գիտությունների դոկտոր, 4 տեխնիկական գիտությունների եւ 3 ֆիզիկա-մաթեմատիկական գիտությունների թեկնածուներ:
"ՀայատոմՀԻ" փբը-ի գլխավոր տնօրենն է տեխնիկական գիտությունների թեկնածու պարոն Վահրամ Գասպարի Պետրոսյանը:
0027 Հայաստանի Հանրապետություն
Ծովակալ Իսակովի պող. 50, Երեւան
Հեռ: (37410) 74 – 21-30
Ֆաքս: (37410) 73 – 46 -10
Էլ. հասցե:
Այս էլ.փոստի հասցեն պահպանված է spam bots-երից, պետք է Javascript-ին հնարավորություն տալ դիտելու համար