Նախարարության «Թեժ գծով» ստացվել է ավելի քան երկու հարյուր հեռախոսազանգ

ՀՀ էներգետիկ ենթակառուցվածքների և բնական պաշարների նախարարության «Թեժ գծի» 011-528-243 հեռախոսահամարով  հունվարի 1-ից հունիսի 30-ն ընկած ժամանակահատվածում ստացվել է 234 հեռախոսազանգ։ «Թեժ գծով» ստացված հեռախոսազանգերը վերաբերել են տարբեր խնդիրների, այդ թվում՝ էլեկտաէներգիայի, գազի հաշվիչների և արևային մարտկոցների  տեղադրմանը, փողոցի լուսավորության ապահովմանը, գազիֆիկացմանը, հաշվիչիների  վերածրագրավորման գործընթացին։ Բոլոր հեռախոսազանգերին տրվել են պատասխաններ:

Գրանցվել են նաև  ինքնավար արևային կայանների կառուցման կարգին,  ցանցին միանալուն,   լիզենզիայի տրամադրման, արևային էներգիայի և  այլ խնդիրներին վերաբերող հարցեր և առաջարկություններ, որոնց համապատասխան ընթացք է տրվել։

Հաշվետու ժամանակահատվածում նախարարությունը  քաղաքացիներից ստացել է 68 դիմում և 26   բողոք։